Таразда «Әулиеата жастары» бағдарламасына құжат қабылдау басталды

Таразда «Әулиеата жастары» бағдарламасына құжат қабылдау басталды, деп хабарлайды Azattyq Ruhy.

Бағдарламаға баспанаға мұқтаж 35 жасқа дейінгі медицина, мәдениет, спорт қызметкері, журналист және жоғары оқу орны оқытушысы мен ғылыми қызметкер қатыса алады.

Үміткерлер Жамбыл облысындағы ресми жұмыс өтілі өтініш берген кезде 12 айдан кем болмауы тиіс. Сондай-ақ бағдарламаға қатысушы мен оның отбасы мүшелерінің соңғы 5 жыл ішінде жылжымайтын мүлкі болмауы керек.

«Әулиеата жастары» бағдарламасына қатысу туралы өтінімдер 20 шілдеден 30 шілдеге дейін www.e-jambyl.kz порталы арқылы қабылданады.