Талапкерлердің өтінішін қабылдау мерзімі ұзартылды

Ғылым және жоғары білім министрлігі білім беру гранттары конкурсына өтінім қабылдау мерзімін 22 шілдеге дейін ұзартты, деп хабарлайды Azattyq Ruhy.

Жоғары оқу орындарының қабылдау комиссияларына шекті деңгейден өткен 103 мың талапкердің 80 мыңнан астамы өтініш берген.

Мемлекеттік білім беру грантын тағайындау конкурсына қатысу және құжаттарды тапсыру үшін талапкерлердің жеке куәлігі, ҰБТ сертификаты, орта білім туралы аттестат (ТжКБ ұйымдарының түлектеріне арналған диплом) және жеңілдік санаты бойынша конкурсқа қатысу үшін басқа да растайтын құжаттар болуы қажет.

Медициналық анықтама тамыз айында университетке қабылдау кезінде тапсырылады.