Екібастұзда жолаушылар мінген екі автобус соқтығысты

Жол-көлік оқиғасы Мәшһүр Жүсіп – Бұқар жырау көшесінде болды, деп хабарлайды Pavlodarnews.kz.

Облыстық полиция департаменті баспасөз қызметінің мәліметінше, 18 шілде күні сағат 08.15-те №7 және №33 бағыттағы қалалық автобустардың қатысуымен жол-көлік оқиғасы болған.

«Оқиға орнында полиция жұмыс істеуде», - деді департаментте.

103 желісіне қоңырау бүгін сағат 08:20-да түскен. Жол апаты болған жерге жеделдік бойынша жіберілген бірінші санатты жедел жәрдем бригадасы бес минутта жеткен.

 Үш адам зардап шеккен, олардың барлығы Екібастұз қалалық ауруханасына жеткізілді.