171 млн теңгені жымқыру фактісі: Жамбыл облысының Білім басқармасы ақпаратты жоққа шығарды

Azattyq Rýhy

Ведомство түсініктеме берді

171 млн теңгені жымқыру фактісі: Жамбыл облысының Білім басқармасы ақпаратты жоққа шығарды
Фото ашық дереккөзден

Жамбыл облысы әкімдігінің Білім басқармасы Қаржы мониторингі агенттігінің «Жас маман» жобасы аясында 171 миллион теңгені жымқыру фактісі туралы ақпаратын жоққа шығарды, деп хабарлайды Azattyq Ruhy.

2020 жылы Жамбыл облысы әкімдігінің энергетика басқармасы мемлекеттік сатып алу бойынша бірыңғай ұйымдастырушымен жабдықты сатып алу үшін конкурс өткізген. Байқау нәтижесінде колледж бен жеткізуші «Ай-Дин Тараз құрылыс» арасында құрал-жабдықтарды жеткізу туралы келісімшарт жасалды.

«Алғашқы екі шара бойынша 172 480,0 мың теңгеге құрал-жабдықтар қабылданды.

Үшінші шараға келетін болсақ, құрал-жабдық талаптар мен техникалық сипаттамаларға сәйкес келмеді. Бұл туралы Жамбыл облысының Ішкі мемлекеттік аудит департаментіне колледж әкімшілігі хабарлады. Ал Жамбыл облысы бойынша ІМАД нұсқауы негізінде техниканы қабылдаудан бас тартылды. Қазіргі таңда осы мәселеге байланысты сот процесі жүріп жатыр. Бірақ жымқыру фактісіне қатысты ешқандай дәлел жоқ.

Әкімдіктің білім басқармасы қаражатты бөлудің айқындығын және колледждерді сапалы құрал-жабдықпен қамтамасыз ету мәселесін бақылауда ұстап отыр», - делінген хабарламада.

Айта кетейік, бүгін Жамбыл облысында білім саласына бөлінген 171 млн теңгені жымқыру фактісі тергеліп жатқаны туралы ақпарат жарияланды.

×
Бұл желілік ресурстың ақпараттық өнімдері 18 жастан асқан адамдарға арналған.