Қазақстан халқының этникалық құрамы қандай – статистика

Бүгінде елімізде 19 млн 122 мың адам бар, оның ең көп пайызын қазақтар құрайды

Қазақстан халқының этникалық құрамы қандай – статистика
Фото: zwezda.su

ҚР Ақпарат және қоғамдық даму министрлігі Қазақстан халқы Ассамблеясының 2026 жылға дейінгі даму тұжырымдамасының жобасын ұсынды. Құжатта ел халқының этникалық құрамы жария етілген, деп хабарлайды Azattyq Rýhy.

Құжатқа сәйкес, 2022 жылдың 1 қаңтарындағы жағдай бойынша Қазақстанда 19 миллион 122 мың адам бар, оның ішінде ең көп пайызын қазақтар (69,03%) құрайды.

«Елімізде сондай-ақ 18,47% орыстар, 3,29% өзбектер, 1,5% ұйғырлар, 1,3% украиндар, 1,06% татарлар, 0,92% немістер, 0,61% түріктер, 0,57% кәрістер, 0,61% әзірбайжандар, 0,40% дүнгендер, 0,27% тәжіктер, 0,26% белорустар, 0,25% күрдтер, 0,18% шешендер, 0,15% поляктар, 0,09% башқұрттар, 1,04% басқа ұлт өкілдері тұрады», - делінген хабарламада.

Жалпы алғанда, 2018-2020 жылдарға арналған халық санының статистикасы республика халқы санының тұрақты өсу үрдісін көрсетеді. Мәселен, соңғы 3 жылда Қазақстан халқының саны 2,6 пайызға өскен.

«Азаматтар жалпы ұлтаралық келісімді сақтау жөніндегі мемлекеттік саясатты қолдайды және мұндай қолдау деңгейі 85,9 пайызды құрайды», - делінген құжатта.

Құжат 2022 жылдың 13 шілдесіне дейін қоғамдық талқылау үшін АШЫҚ НҚА порталында орналастырылған.

×
Бұл желілік ресурстың ақпараттық өнімдері 18 жастан асқан адамдарға арналған.