$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Еуроодақ пен Иран арасындағы ядролық келіссөздер қайта басталады

Екі тарап келіссөз үстеліне қайта оралуға дайын екендіктерін растады

Еуроодақ пен Иран арасындағы ядролық келіссөздер қайта басталады
Фото ашық дереккөзден

Иранмен ядролық мәміле бойынша келіссөздер алдағы күндері қайта басталады. Бұл туралы ЕО-ның Сыртқы істер және қауіпсіздік жөніндегі Жоғарғы өкілі Жозеп Боррель мәлімдеді, деп хабарлайды Azattyq Rýhy Euronews-ке сілтеме жасап.

Бір күн бұрын ол Тегеранға келіп, Иран СІМ басшысы Хосейн Амир Абдоллахиянмен келіссөздер жүргізді. Екі тарап келіссөз үстеліне қайта оралуға дайын екендіктерін растады.

Алдыңғы раунд осы жылдың көктемінде тоқтап қалған болатын. Тегеран қазірдің өзінде 2015 жылдың шектеулеріне оралуға дайын, алайда  АҚШ тарапының мәміленің бір бөлігін орындауға әзірлігі байқалмайды..

Әзірге, Иран байытылған уран өндірісін ұлғайтуда. МАГАТЭ басшысы Рафаэль Гросси Ислам Республикасы ядролық зарядты құру үшін жеткілікті мөлшерде қор жиналғанын айтты.

Маусым айының басында Тегеран ынтымақтастыққа құлықсыздық жасады деп айыптаған қарарға жауап ретінде Атом нысандарында орналасқан МАГАТЭ-нің бақылау камераларын өшірген болатын.

 

Серіктес жаңалықтары