БҚО-да көлге ағып кеткен баланың денесі 3 күннен кейін табылды

Azattyq Rýhy

Қазіргі кезде сараптама тағайындалды

БҚО-да көлге ағып кеткен баланың денесі 3 күннен кейін табылды
Фото ашық дереккөзден

Батыс Қазақстан облысында Шалқар көлінде ағып кеткен 8 жасар баланың денесі үш күннен кейін табылды. Бұл туралы БҚО ТЖД баспасөз қызметі мәлім етті, деп хабарлайды Azattyq Rýhy.

Реси мәліметке қарағанда, 25 маусым күні сағат 15:50-де баланың денесі Теректі ауданы Рыбцех пен Шалқар ауылдарының арасында көл жағалауынан табылған.

«Баланы іздестіру жұмыстарына ТЖД күштерімен қатар, жергілікті тұрғындар, еріктілер жұмылдырылды. Қазіргі кезде сараптама тағайындалды. Соның қорытындысына сәйкес өлімнің себебі анықталады», - деп хабарлады ведомстводан.

Еске сала кетейік, бұдан бұрын БҚО-да көлде жоғалып кеткен 8 жасар бала мен оның атасы ұшақпен іздестіріліп жатқанын жазған болатынбыз. Баланың атасы көп ұзамай аман-есен табылды.

×
Бұл желілік ресурстың ақпараттық өнімдері 18 жастан асқан адамдарға арналған.