Қазақстан-Қытай шекарасындағы заңсыздықтар: бірнеше лауазымды тұлға қамауға алынды
Олардың арасында Шекара қызметінің экс- директоры Дархан Ділманов та бар
ҚР Ұлттық қауіпсіздік комитеті шекарадағы заңсыздыққа қатысы болуы мүмкін деген бірқатар лауазымды тұлғаларды ұстады, деп хабарлайды Azattyq Rýhy.
«2022 жылғы 22 маусымда Ұлттық қауіпсіздік комитеті Қазақстан-Қытай шекара бекеттерінде анықталған билікті асыра пайдалану фактілері бойынша жүргізіп жатқан сотқа дейінгі тергеу шеңберінде бұрынғы ҰҚК Төрағасының орынбасары – Шекара қызметінің директоры генерал-лейтенант Д.А. Ділманов, Шекара қызметі Алматы облысы бойынша департаменті «Нұр Жолы» шекара бақылау бөлімінің бастығы майор Н. Арысбаев және басқа да адамдар ұсталып, уақытша ұстау изоляторына қамалды»,- делінген ресми хабарламада.
Өзге ақпарат тергеу мүддесінде жариялауға жатпайды.
