Семейде 1 млн теңгеден астам қаржыны иемденіп кеткен алаяқ ұсталды

Семейде пәтер алуға көмектесемін деп зейнеткерді алдап кеткен алаяққолға түсті, деп хабарлайды Azattyq Rýhy Polisia.kz-ке сілтеме жасап.

Семей қаласының 66 жастағы тұрғыны алаяққа алданғаны туралы полицияға шағым түсірген. Жәбірленушінің айтуынша, 2022 жылдың наурызында бейтаныс әйел оны алдап, сеніміне кіріп, пәтер алуға көмектесемін деген сылтаумен 1 миллион 300 теңгесін иемденіп кеткен.

«Аталған қылмысты ашу және алаяқтық әрекеттерге қатысы бар адамды анықтау үшін криминалдық полиция бөлімінің қызметкерлері жедел іс-шаралар кешенін өткізді. Қабылданған шаралардың нәтижесінде 52 жастағы жергілікті тұрғын ұсталды», -деп көрсетті тәртіп сақшылары.

Аталған факті бойынша ҚР ҚК 190-бабы 1-бөлігімен сотқа дейінгі тергеу басталды.