Әлемдегі ең бай адам 15 минутта 13 млрд доллар пайда тапты

Оның жиған дәулеті 129,5 млрд долларға жетті

Әлемдегі ең дәулетті адам – Amazon компаниясының иесі Джефф Безос небәрі 15 минутта 13 млрд долларға байыды деп хабарлайды Bloomberg.

Компания тоқсандық есебін жариялағаннан кейін оның акциясының құны 4,11 доллардан 6,47 долларға дейін қымбаттаған. Өйткені, компания кірісі сарапшылар болжағаннан жоғары болып шықты.

Осылайша, Amazon акцияларының құны 12 пайызға қымбаттап, Джефф Безостың дәулеті 129,5 млрд долларды құрады. Ол қазіргі таңда Forbes тізімінің көшін бастап тұр.

×
Бұл желілік ресурстың ақпараттық өнімдері 18 жастан асқан адамдарға арналған.