Ақсу әкімдігі жағажайға қатысты шағымға жауап берді

Әлеуметтік желі қолданушыларының бірі Ақсудағы жаңа көпірдің астындағы демалыс орнына қатысты шағым жариялады, деп хабарлайды  Azattyq Rýhy Pavlodarnews.kz сайтына сілтеме жасап.

«Бұл демалыс орны кенеттен ақылы болып қалыпты! Неліктен демалуға болатын сәл жайлы орындар жалға беріледі? Құм мен су да ақылы болған ба? Енді міне, кіру үшін ақы төлеу керек. Шын мәнінде, мұнда  ешқандай жағдай жасалмаған. Ақсу қаласының әкімі келетін кезде үш шатыр қойған. Ал оның ішінде ешкім жоқ, себебі жағдай жасалмаған», - деп жазады хаттың авторы.

Сондай-ақ желі қолданушысы мұндай шешімдерді кім қабылдайтынын және неліктен шатырларды  қолданбағанның өзінде ақы төлеу керек екені жайлы сауал жолдаған.

Бұл жайтқа қатысты түсінік берген Ақсу қаласының әкімдігінде қазіргі уақытта жағажай маусымының басталуына дайындық жұмыстары жүргізіліп жатқанын хабарлады.

«Павлодар орман және жануарлар дүниесін қорғау мекемесі мен «С. Б. Макулова» ЖК арасында 8,5 га жағажайға қызмет көрсету және ынтымақтастық туралы келісім жасалды. Түбін тексеру жұмыстары жүргізілуде, содан кейін суға  белгілер орнатылады. Құтқарушыларды қабылдайды. Алдағы уақытта кәсіпкер балалардың шомылуы үшін қоршауы бар орын ұйымдастыруды жоспарлап отыр», - дейді әкімдікте.

4 қолшатыр, 4 жататын орын, 10 шатыр және ашық күркелер орнатылады. Жағажай аумағында «Гурман» тамақтану павильоны орналастырылады.

Жағажай аймағы Белая өзенінің бойындағы «Нұрлы жол» көпірінің ауданында орналасқан.