302,1 млрд теңге жұмсалған: елімізде 1,2 мыңнан аса газ нысаны тапсырылмай тұр

2020 жылғы жағдай бойынша, елімізде тапсырылмаған объектілердің жалпы саны – 1 227, олардың құны шамамен 302,1 млрд теңгені құрады. Бұл туралы Мәжілістің үкімет сағатында Энергетика министрі мәлім етті, деп хабарлайды Azattyq Ruhy тілшісі.

«Бүгінгі таңда мемлекеттік органдар мен ұйымдардың бірлескен жұмысының қорытындысы бойынша жалпы құны 107,4 млрд теңге болатын 491 объектіні тапсыру бойынша Қазақстан Республикасы Үкіметінің қаулылары әзірленіп, қабылданды. Бүгінге дейін республика бойынша жалпы саны 736 объекті тапсырылған жоқ», - деді Болат Ақшолақов.

Сонымен қатар газбен жабдықтау объектілерін салу барысында жіберілген бұзушылықтар және ол мүлікті бағалаудың ұзақ процедураларының фактілері бар екенін атап өту қажет.