"Утильалым жыры". 23 мамырдан бастап көліктерді төмендетілген мөлшерлемемен тіркеуге болады

23 мамырдан бастап қазақстандықтар утильалымы төленбеген көліктерін төмендетілген мөлшерлемемен тіркей алады, деп хабарлайды Azattyq Rýhy.

Экология, геология және табиғи ресурстар министрлігінің ресми өкілі Олжас Беркінбаев 2022 жылдың 14 мамырына дейін Қазақстан аумағына кірген көліктердің бұған дейін утильалымы төленбеген болса, 23 мамырдан бастап жаңа төмендетілген мөлшерлемемен төлеуге болатынын айтты.

Ол үшін тек тиісті мекемеге өтініш жазу керек.

«Енді елге кірген көліктердің утильалымы кірген уақытына емес, утильалымға өтінім берген күннен бастап есептелетін болды», – деді ҚР ЭГТРМ Қоғаммен байланыс департаментінің директоры Олжас Беркінбаев.