«Ардагерлер ұйымы» жанынан жалпыұлттық референдумды қолдау штабы құрылды

Azattyq Rýhy

Бұл туралы ұйым төрағасы Бақтықожа Ізмұхамбетов Президент қабылдауы кезінде айтты

«Ардагерлер ұйымы» жанынан жалпыұлттық референдумды қолдау штабы құрылды
Фото: Ақорда

Президент «Ардагерлер ұйымы» республикалық қоғамдық бірлестігінің төрағасы Бақтықожа Ізмұхамбетовті қабылдады, деп хабарлайды Azattyq Rýhy Ақорданың баспасөз қызметіне сілтеме жасап.

 Қасым-Жомарт Тоқаевқа «Ардагерлер ұйымы» республикалық қоғамдық бірлестігінің атқарып жатқан жұмысы мен алдағы жоспары туралы айтылды.

«Ардагерлер ұйымы» республикалық қоғамдық бірлестік жанынан жалпыұлттық референдум өткізуді қолдау жөніндегі штаб құрылған. Бақтықожа Ізмұхамбетовтің айтуынша, штабтың жұмысы екі бағытта жүргізіліп жатыр. Бірінші, Конституцияға енгізілетін өзгерістердің мән-мағынасын түсіндіру. Екінші бағыт референдумға белсенді түрде қатысу мәселесін қамтиды.

Сонымен қатар ертең, 20 мамыр күні өтетін «Ардагерлер ұйымы» республикалық қоғамдық бірлестігінің кезектен тыс съезінің күн тәртібі туралы баяндалды.

«Кездесуде «Ардагерлер ұйымын» дамыту туралы бірнеше ұсынысқа Президент қолдау білдіріп, тиісті мемлекеттік органдарға тапсырма беретінін айтты», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.