Қазақстан мен Өзбекстан жолаушылар тасымалын қайта жаңғыртады

Қазақстан мен Өзбекстан 15 мамырдан бастап жолаушылар тасымалын қалпына келтіреді. Бұл туралы «Өзбек темір жолдары» АҚ баспасөз қызметі мәлімдеді, деп хабарлайды Azattyq Rýhy.

«Қазақстан темір жолы» ҰК» АҚ-мен келісім бойынша Өзбекстан мен Қазақстан арасындағы жолаушылар тасымалы қалпына келтірілді. 2022 жылдың 15 мамырынан бастап №647/648 жолаушылар пойызы Нөкіс – Бейнеу – Нөкіс бағыты бойынша жүре бастайды. Осы жылдың 16 мамырынан бастап №1/2 пойызы Алматы – Ташкент – Алматы бағытымен рейске шығады», - делінген хабарламада.

Бұл жолаушылар пойыздары «Ташкент – Орталық» теміржол вокзалынан Қазақстанға аптасына үш рет қатынайтын болады.

Еске салайық, Қазақстан мен Өзбекстан арасындағы жолаушылар тасымалы 2020 жылдың наурыз айында коронавирус пандемиясына байланысты тоқтатылған болатын.