Ақмола облысында қарындасын құтқарам деп 10 жасар бала өзенге секірген

Ақмола облысында ойнап жүріп, өзенге құлаған екі бала құтқарылды, деп хабарлайды Azattyq Rýhy.

Оқиға бүгін Целиноград ауданының Ақмол ауылында болды.

10 және 6 жастағы ағалы-қарындасты екі бала өзенде аққуды тамақтандырып жүргенде қыз баланың аяғы тайып, суға құлап кеткен.  Оны құтқарам деп ағасы да суға секіреді. Алайда, екеуі де судан шыға алмады. Абырой болғанда, сол маңнан өтіп бара жатқан ер адам оларды көріп қалып, көмекке келген.