Сарбаздың өліміне қатысты тергеу жүріп жатыр - ІІМ

Azattyq Rýhy

Қазіргі уақытта сарбаздың өліміне қатысты тергеу жүріп жатыр

Сарбаздың өліміне қатысты тергеу жүріп жатыр - ІІМ
Фото ашық дереккөзден

Жамбыл облысы, Қордай ауданындағы №30212 әскери бөлімшесінде мерт болған 18 жасар сарбаз Әлібек Қалбайдың денесі өткен аптада туған жері Маңғыстау облысы, Ақшұқыр ауылына жеткізілді, деп хабарлайды Azattyq Rýhy Qazaqstan ұлттық телеарнасының жаңалықтар қызметіне сілтеме жасап.

Әскерде санаулы күн болған сарбаздың өліміне қатысты пікір білдірген Ішкі істер министрлігі оның денесінен жарақаттардың табылмағанын айтқан. Дегенмен марқұмның туыстары мұнымен келіспейді.

"12 сәуір күні баланы әскерге мәжбүрлі түрде алып кетті. "Сотталасың немесе 3 миллион теңге айыппұл төлейсің" деді. Кешкі 15:00-16:00 шамасында анасына қоңырау шалып, асқазанына дәрі алу керегін айтты. Денесінің сау жері жоқ. Бауыры, іші, басы мен қолдары көгеріп кеткен", – деді Әлібек Қалбайдың туысы Динара Тілесова. 

Ішкі істер министрлігінің өкілдері сарбаздың өліміне қатысты тергеу жүріп жатқанын мәлімдеді. 

"Ішкі істер министрлігінің әскери тергеу органдары өз қызметтері бойынша тәуелсіз және Қорғаныс министрлігіне есеп бермейді. Бұл тексерістің әділ әрі объективті жүруі үшін жасалған", – деді Қарулы күштер бас штабы тәрбие және иедологиялық жұмыс департаментінің бастығы Серік Борамбаев.

 

 

×
Бұл желілік ресурстың ақпараттық өнімдері 18 жастан асқан адамдарға арналған.