Елордада тұрғын үйге кранның құлау оқиғасына қатысты сотқа дейінгі тергеу басталды

Azattyq Rýhy

Оқыс оқиғадан қаза болғандар мен зардап шеккендер жоқ

Елордада тұрғын үйге кранның құлау оқиғасына қатысты сотқа дейінгі тергеу басталды
Фото ашық дереккөзден

Елордада тұрғын үйдің алтыншы қабатына кранның құлау оқиғасына қатысты сотқа дейінгі тергеу басталды. Бұл туралы Нұр-Сұлтан қаласы полиция департаментінің баспасөз қызметі мәлім етті, деп хабарлайды Azattyq Rýhy.

«28 сәуір күні сағат 15:50-де «102» арнасына Сығанақ көшесі бойындағы үйде 6-қабатта орналасқан пәтердің терезесіне автокранның жебесі құлағаны туралы хабарлама келіп түсті. Оқыс оқиғадан қаза болғандар мен зардап шеккендер жоқ. Есіл аудандық полиция басқармасы ҚР ҚК-нің 204-бабы «Бөтен мүлікті абайсызда жою немесе бүлдіру» бойынша сотқа дейінгі тергеуді бастады», - дейді полиция департаментінен.

 Сондай-ақ, хабарламада айтылғандай тергеу амалдары барысында залалдың сомасы белгіленеді.

Еске сала кетейік, Нұр-Сұлтан қаласының Сығанақ көшесінде орналасқан тұрғын үйдің алтыншы қабатындағы пәтердің терезесіне автокран құлаған болатын . Өз кезегінде қала әкімдігі болған жайтқа түсінік беріп, краны көпқабатты үйге құлап кеткен мердігердің жазаланатынын хабарлады.


 

 

×
Бұл желілік ресурстың ақпараттық өнімдері 18 жастан асқан адамдарға арналған.