Brexit 31 қаңтарда жүзеге асырылады
Ұлыбритания Патшайымы ІІ Елизавета парламент қабылдаған Еуропалық одақтан шығу туралы заңға қол қойды. Құжатқа сәйкес Brexit 31 қаңтарда жүзеге асырылады, деп хабарлайды Azattyq Rýhy тілшісі ВВС-ге сілтеме жасап.
«Кеше Қауымдар палатасы мен Лордтар палатасы Brexit туралы заңды толық мақұлдады. Бүгін Патшайым заңға қол қойды. Заң күшіне енді. Құжат 31 қаңтарда біздің ЕО-дан шығатынымызды растайды», - деді Британ үкіметінің ЕО-дан шығу ісі жөніндегі министрі Стивен Баркли.
Айта кету керек, былтыр желтоқсан айында премьер-министр Борис Джонсонның парламент мақұлдаған жоспарына сәйкес, Британия 31 қаңтарда Еуроодақтан ресми түрде шығады.
