Қызылордада телефондарды палауға жасырып, тергеу изоляторына өткізбек болған азамат ұсталды
Сонымен қатар астың арасынан SIM-карта табылған
Қызылордада телефондарды палауға жасырып, тергеу изоляторына өткізбек болған азамат ұсталды, деп хабарлайды Azattyq Rýhy.
«Қызылорда облысы бойынша ҚАЖД ЗК-169/1 мекемесінің сәлемдеме-сауқаттарды қабылдау бөлмесінде ыстық тағам арасына бірнеше ұялы телефон салып өткізбекші болған азамат ұсталды. А. есімді азамат Қызылорда қаласы ЗК-169/1 мекемесіндегі жазасын өтеуші, ҚР ҚК-нің 293-бабының 3-бөлігі (Бұзақылық) бойынша айыпталушы 28 жастағы Б. есімді танысына сәлемдеме-сауқат алып келген», - деп көрсетті ІІМ Қылмыстық-атқару жүйесі комитеті.
Тексеру барысында палаудың ішінен үш телефон, қуаттағыш және үш SIM-карта табылды.
Қазіргі таңда аталған факт бойынша ҚР ӘҚБтК-нің 481-бабына сәйкес әкімшілік материалдар жиналып, сотқа жіберілді.
