Өскеменде аялдамада автобус қаққан 5 жасар қыз қайтыс болды

Azattyq Rýhy

Қазір сотқа дейінгі тергеу амалдары жүргізілуде

Өскеменде аялдамада автобус қаққан 5 жасар қыз қайтыс болды
Фото ашық дереккөзден

Өскемен қаласында автобус қаққан 5 жасар қыз көз жұмды. Бұл туралы ШҚО Полиция департаментінің баспасөз қызметі мәлім етті, деп хабарлайды Azattyq Rýhy.

Департамент мәліметіне сүйенсек, жол-көлік оқиғасы 21 ақпан күні сағат 17.00 шамасында Бажов көшесінде болған.

«Қоғамдық көлік жүргізушісі жолаушыларды аялдамадан түсірген кезде қауіпсіздік талаптарын сақтамай, 5 жасар қызды қағып кетті. Соның салдарынан ол сол жерде мерт болған», - делінген ақпаратта.

Қазіргі уақытта аталған факті бойынша ҚР Қылмыстық Кодексінің 345-бабы 3-бөлігіне сәйкес сотқа дейінгі тергеу амалдары жүргізілуде.


 

 

×
Бұл желілік ресурстың ақпараттық өнімдері 18 жастан асқан адамдарға арналған.