Алматы облысында ТЖД лауазымды тұлғалары ұсталды

Azattyq Rýhy

Басшылық қызметтегі екі адам пара алды деген күдікке ілінді

фото egemen.kz сайтынан

Алматы облысы бойынша Төтенше жағдайлар департаменті бастығының орынбасары мен Алматы облысы Қапшағай қаласының Төтенше жағдайлар бөлімінің бастығы ұсталды. Бұл туралы Azattyq Rýhy Алматы облысы бойынша Сыбайлас жемқорлыққа қарсы қызметіне сілтеме жасап хабарлайды.

«Олар алдын ала сөз байласу арқылы казино өкілінен 1000 АҚШ доллары сомасында жалпы қамқорлық үшін пара алды», деп көрсетті ведомствоның баспасөз қызметі.

Тергеу жалғасуда.

ҚПК-нің 201-бабына сәйкес тергеу мүддесіндегі басқа да мәліметтер жария етуге жатпайды.

×
Бұл желілік ресурстың ақпараттық өнімдері 18 жастан асқан адамдарға арналған.