«-20 градусқа дейін аяз»: алдағы екі күнге арналған ауа райы болжамы

Azattyq Rýhy

Тау бөктеріндегі аудандарда қатты жауын-шашын, тұман, көктайғақ болады

«-20 градусқа дейін аяз»: алдағы екі күнге арналған ауа райы болжамы
Фото ашық дереккөзден

«Қазгидромет» РМК 26-28 наурыз күндеріне арналған ауа райы болжамын жариялады, деп хабарлайды Azattyq Rýhy.

Скандинавия аудандарынан келктін циклон, республиканың батыс және солтүстік өңірлеріне ауысады, ал Қазақстанның оңтүстік және орталық аудандары оңтүстік циклонның ықпалында қалады.

«Ол жаңбыр мен қар түріндегі жауын-шашынды алып келеді: елдің солтүстігі мен батысында оған қоса боран, оңтүстігінде негізінен жаңбыр, ал таулы, тау бөктеріндегі аудандарда – қатты жауын-шашын, тұман, көктайғақ болады. 28 наурызда елдің оңтүстік және оңтүстік-шығыс бөлігін, жауын-шашынсыз ауа райын әкелетін антициклон анықтайды. Республика бойынша жел күшейеді.

Солтүстікте түнгі температура 10...20-дан 5...15 аязға дейін, күндіз 0...8 аяздан 5 аяз...3 жылуға дейін, оңтүстік жартыда: түнде 6 аяз...5 жылу аралығында, күндіз 12...17-ден 5...10 жылуға дейін төмендейді, елдің батысында: түнде 5 аяз...5 жылу, күндіз термометр бағандары 0...10 градус жылуды көрсетеді», - делінген синоптиктер хабарламасында.

×
Бұл желілік ресурстың ақпараттық өнімдері 18 жастан асқан адамдарға арналған.