Наурыз айындағы ұлттық бірыңғай тестілеудің аралық нәтижесі белгілі болды

Azattyq Rýhy

 Талапкерлердің 65 пайызы шекті балды жинады

Наурыз айындағы ұлттық бірыңғай тестілеудің аралық нәтижесі белгілі болды
Фото: ашық дереккөзден

Наурыздағы ҰБТ кезінде  талапкерлердің 65 пайызы шекті балды жинады, деп хабарлайды Azattyq Rýhy.

Бұл туралы Ұлттық тестілеу орталығының директоры Руслан Емелбаев Instagram парақшасында жазды.

"Талапкерлердің 65%-ы шекті балл жинады.
Орташа балл 65 балды құрады,
ең жоғары балл – 134.
28 қатысушының нәтижесі 130 балдан асты.

Тестілеуге қатысуға 105 мыңға жуық өтініш келіп түсті, оның жартысынан көбі ҰБТ тапсырып үлгерді.

74,2%-ы қазақ тілінде,
25,6%-ы орыс тілінде,
0,2%-ы ағылшын тілінде тестілеуден өтті", – деп жазды ол. 

Наурыз айындағы ҰБТ-ға ерекше білім беруді қажет ететін 130 бала қатысты. 

2022 жылдан бастап ерекше қажеттіліктері бар түлектерге тестілеу тапсырмаларын орындау үшін негізгі 240 минуттан бөлек, тағы қосымша 40 минут уақыт беріледі.

×
Бұл желілік ресурстың ақпараттық өнімдері 18 жастан асқан адамдарға арналған.