ШұғылАлматыда ағаштарды заңсыз кескендерге қатысты қылмыстық іс қозғалды

Қазақстанда игі істер байқауында бір миллион теңге ұтып алуға болады

Байқау аясында әр өңірде онға жуық бастама іріктеп алынады

Фото: ашық дереккөзден

Еріктілер мен ұйымдар игі істер байқауында бір миллион теңге ұтып ала алады. Бұл туралы азаматтық қоғам істері жөніндегі комитет төрайымы Әлия Ғалымова мәлімдеді, деп хабарлайды Azattyq Rýhy тілшісі sputniknews.kz-ке сілтеме жасап. 

Елде «Жаңа бастама» байқауы жарияланады. Ол барлық өңірде өтпек. Онға жуық бастама іріктеліп алынады.

«Волонтерлер мен волонтерлер ұйымына қаржылай қолдау көрсетіледі. Үздік жобаларға бір миллион теңге шамасындағы сома беріледі деп жоспарлап отырмыз. Жұмыс жақын арада басталады», - деді Ғалымова премьер-министрдің баспасөз қызметіне берген сұхбатында. 

Оның айтуынша, волонтерлер тегін жұмыс істеуі керек деген түсінікті жою керек. 

«Егер жануарларға арналған орындар туралы айтар болсақ, оларға тамақ керек. Ал іздеумен айналысатын волонтерлер үшін рация, көлік, арнайы киім сынды заттар қажет», - азаматтық қоғам істері жөніндегі комитет төрайымы.

Айта кету керек, елімізде 200-ден астам ұйым волонтерлік қызмет атқарады. Бұл қозғалысқа 50 мыңнан астам адам жұмылдырылған.