Алматыда қант бағасының алыпсатарлық өсу белгілері анықталды – департамент
Табыстың 3-5%-ы мөлшерінде айыппұл салуға әкеп соғатыны ескертілді
Қазақстан Республикасы Бәсекелестікті қорғау және дамыту агенттігінің Алматы қаласы бойынша департаменті баға мониторингінің нәтижелері бойынша қант бағасының алыпсатарлық өсу белгілерін анықтады, деп хабарлайды Azattyq Rýhy.
Қазіргі уақытта нарық субъектілерінің басым үлесін айқындау мақсатында ірі өнім берушілердің атына сұрау салулар жіберілді. Монополияға қарсы талқылау қорытындылары бойынша тиісті шаралар қабылданатын болады.
«Монополияға қарсы департамент дүрлігуге жол бермеуге шақырады және бәсекелестікке қарсы келісімдер, келісілген іс-әрекеттер нәтижесінде алыпсатарлық бағаның өсуі, сондай-ақ үстем жағдайды теріс пайдалану монополиялық табысты (таза пайданы) тәркілей отырып, табыстың 3-5%-ы мөлшерінде айыппұл салуға әкеп соғатынын ескертеді», - делінген ведомство хабарламасында.
