Ол ірі көлемде бюджет қаржысын жымқырды деген күдікке ілінді
Алматы қаласы Алатау ауданының бұрынғы әкімі қамауға алынды, деп хабарлайды Azattyq Rýhy тілшісі.
«Сыбайлас жемқорлыққа қарсы қызмет Алматы прокуратурасымен бірігіп жүргізген тергеу нәтижесінде Алатау ауданының бұрынғы әкімі, оның орынбасары және осы ауданның әкім аппаратының мәдениет және тілдерді дамыту бөлімінің басшысы ұсталды. Олар ірі көлемде бюджет қаржысын жымқырды деген күдікке ілінді. Атап айтқанда, олар «Өңірлерді дамыту-2020» мемлекеттік бағдарламасына бөлінген қаржыны жымқырған», - делінген Сыбайлас жемқорлыққа қарсы қызмет таратқан хабарламада.
Ұсталған әкімнің аты-жөні айтылмаған. Сонымен қатар аудан әкімінің орынбасары 500 мың теңге пара алды деген күдікке ілінген.
