Алматы облысы бойынша Мемлекеттік кірістер департаментінің басшысы тағайындалды

Бүгінге дейін ол Атырау облысы бойынша Мемлекеттік кірістер департаменті басшысының орынбасары лауазымында қызмет етті

ҚР Қаржы министрлігінің аппарат басшысы Абзал Бейсенбекұлы Алматы облысы бойынша Мемлекеттік кірістер департаментінің ұжымына жаңа басшыны таныстырды. Бұл қызметке Талғат Жапарханұлы Қозбеков тағайындалды, деп хабарлайды Azattyq Rýhy Қаржы министрлігінің баспасөз қызметіне сілтеме жасап.

Талғат Қозбеков Абай атындағы Алматы мемлекеттік университетін «Экономист-маркетолог» және Әл-Фараби атындағы Қазақ Ұлттық Университетін «Заңгер» мамандықтары бойынша бітірген.

Еңбек жолын 1999 жылы Панфилов ауданы бойынша Салық комитетінің салық аудиті бөлімінде салық инспекторы лауазымынан бастаған.
Әр жылдары бөлім басшысы, басқарма басшысының орынбасары, Панфилов ауданы бойынша мемлекеттік кірістер басқармасының басшысы лауазымдарын атқарды.
2020 жылдан бастап Атырау облысы бойынша Мемлекеттік кірістер департаменті басшысының орынбасары лауазымында қызмет етті.

Мақалада

#Алматы облысы #тағайындау #мемлекеттік кірістер департаменті

Алдыңғы жаңалық

Қазақстан мен Түркия арасындағы тауар айналымы былтыр төрт млрд теңгеден асты