Украинадан эвакуацияланған қазақстандықтардың үшінші рейсі ұшып шықты

3 наурызда Нұр-Сұлтан қаласының уақыты бойынша сағат 22:00-де Польшаның Катовице қаласынан үшінші репатриациялық рейс ұшып шықты, деп хабарлайды Azattyq Rýhy.

Сыртқы істер министрлігінің баспасөз мәліметінше, ұшақта 133 жолаушы, оның ішінде 2 бала және Қырғызстанның 2 азаматы бар.

«3 наурызда Нұр-Сұлтан қаласының уақыты бойынша сағат 22:00-де Польшаның Катовице қаласынан Қазақстанға Украинадан эвакуацияланған ҚР азаматтарымен үшінші репатриациялық рейс ұшып шықты. Ұшақ Нұр-Сұлтан қаласына қонады деп жоспарлануда», - делінген ведомство хабарламасында.