ШҚО-да көмір тиеген 9 вагон рельстен шығып кетті – ИИДМ

Бұл оқиға бүгін, яғни 2022 жылғы 28 ақпанда сағат 05:30-да Шығыс Қазақстан облысы Курчатов қаласының Дегелен стансасында болды, деп хабарлайды Azattyq Rýhy.

Индустрия және инфрақұрылымдық даму министрлігінің ақпаратына сәйкес, екі маневрлік тепловозды қосқан кезде «Қаражыра-Дегелен» бағытындағы 3503 жүк пойызының көмір тиелген 9 вагонының доңғалақтары рельстен шығып, 4 вагон бір жағына ауып кеткен.

Қаза тапқандар мен зардап шеккендер жоқ. Бұл жағдай басқа пойыздардың қозғалысына әсер еткен жоқ.

Қазіргі уақытта қалпына келтіру жұмыстары жүргізіліп жатыр.