Қыстың соңғы күніне арналған ауа райы болжамы

Синоптиктер 28 ақпанға арналған ауа райы болжамын жариялады, деп хабарлайды Azattyq Rýhy Қазгидромет» РМК баспасөз хабарламасына сілтеме жасап.

«Фронтальды бөліктердің әсерінен еліміздің батысында, оңтүстігінде, солтүстігінде жауын-шашын жауады, (жаңбыр мен қар түрінде), көктайғақ, жел күшейеді. Республика бойынша кей жерлерде тұман түсіп, оңтүстікте найзағай ойнайды», - делінген хабарламада.

Алматы облысының Жалаңашкөл ауданында жел 18-23 м/с күшейеді.

Түнде және таңертең Түркістан облысында таулы аудандарда найзағай, облыстың батысы мен таулы аудандарында желдің 15-20 м/с күшейеді.

Маңғыстау облысының солтүстігінде, орталығында тұман, түнде оңтүстік-батысында желдің 15-20 м/с күшейеді.

Түнде және таңертең Жамбыл облысының оңтүстігінде және таулы аудандарда тұман түседі, облыстың солтүстік-шығысында және таулы аудандарында жел 15-20 м/с дейін жетеді.

Қызылорда облысының орталығында тұман түсіп, желдің жылдамыдығы 15-20 м/с дейін күшейеді.

Түнде Батыс Қазақстан облысының батысында, күндіз солтүстік-батысында көктайғақ болады, облыстың батысында және солтүстігінде тұман түседі.

Ақмола облысының оңтүстік-шығысында, батысында, Атырау облысының солтүстігінде, шығысында, орталығында, Ақтөбе облысының солтүстігінде, Қостанай облысының солтүстігінде, оңтүстік-шығысында, Солтүстік Қазақстан, Павлодар облыстарының оңтүстігінде, Қарағанды облысының солтүстігінде, батысында, түнде және таңертең Шығыс Қазақстан облысының шығысында тұман түседі.