Шымкентте жасөспірімнен қару табылды

Azattyq Rýhy

Осыған қатысты қылмыстық іс қозғалды

Фото: Polisia.kz

Шымкентте 16 жастағы жасөспірімнен қару табылды, деп хабарлайды Polisia.kz.

23 ақпанда Қаратау ауданы Полиция басқармасының ювеналды полиция бөлімі мен учаскелік полиция инспекторлары бірлесіп «Бала және отбасы» жедел-профилактикалық іс-шарасы бойынша рейд жүргізген.

Нәтижесінде, кәмелетке толмаған жасөспірімнің сөмкесінен қару табылып, куәгерлердің қатысуымен заттай дәлелдеме ретінде тәркіленіп алынды.

Қазіргі таңда 16 жастағы жасөспірімге қатысты ҚР ҚК-нің 287-бабы 2-бөлігімен (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) қылмыстық іс тіркеліп, тергеу амалдары жүргізілуде.

Шымкент қаласының полицейлері ата-аналарға балаларының тәртібі мен тәрбиесіне көңіл бөліп, олардың қауіпсіздігі үшін жауапкершілік танытуын сұрайды.

×
Бұл желілік ресурстың ақпараттық өнімдері 18 жастан асқан адамдарға арналған.