«Атамекенге» Тимур Құлыбаевтың орнына Райымбек Баталов келді

Кәсіпкерлер палатасының мүшелері ұзақ пікірталастан кейін төралқа төрағасы етіп Райымбек Баталовты сайлады, деп хабарлайды Azattyq Rýhy.

Бүгін «Атамекен» кәсіпкерлер палатасының кезектен тыс ІХ съезінде Абылай Мырзахметов төраға қызметінен кететінін мәлімдеді.

Ал осыдан бірнеше апта бұрын кәсіпкерлер палатасының төралқа төрағасы Тимур Құлыбаев лауазымын босатанынын мәлім еткен болатын.

Сондықтан бүгінгі съездің күн тәртібіндегі бірнеше сұрақтың бірі төралқа төрағасын сайлау еді.

Біраз пікірталастырған съезд делегаттары Райымбек Баталовты алдымен төралқа төрағасының міндетін атқарушы етіп, кейін палатаның жаңа төрағасы етіп сайлады. Райымбек Баталовтың кандидатурасын қолдап, 248 адам дауыс берді.