Қытайда індет қайта өршіп, науқастар саны артты

Қытайда коронавирус қайта өршіп, науқастар саны артты, деп хабарлайды "Хабар 24". 

Вирусты жұқтырғандардың күрт артқаны соншалық емдеу орындары аулаларда шатырлар тігіп, науқастарды сол жерлерде емдеуге мәжбүр. Ауруханалар маңындағы көлік тұрақтары да дала госпитальдарына айналған. 

Билік бұл пандемия басталғалы ең ірі індеттің өршуі деп отыр. Эпидемиологиялық ахуалдың ушығуына байланысты арнайы әкімшілік аймақта барлық мектептер мен мәдени-спорттық және ойын-сауық орындары жабылған.