Қазақстандағы стриминг индустриясы: жылына қанша қаражат табуға болады

Қазақстанда IT-журналистика мен блоггингті дамыту мақсатында «Қазақстандағы ойын стриминг индустриясы» дәрісі өтті, деп хабарлайды Azattyq Rýhy.

Дәріс барысында қазақстандық жетекші стримерлердің бірі Алдияр Джекешов бұл саланың артықшылықтары туралы ойымен бөлісті. Қазіргі уақытта оның Youtube арнасында 58 000-нан астам жазылушы бар және Twitch платформасында оның хабарларын 10 000-нан астам адам бақылайды.

Ойын стриминг тақырыбы кездейсоқ таңдалған жоқ. Карантиндік шаралар енгізілгеннен бері (2020 жылдың наурызы) жаһандық стриминг секторы 45%-ға өсті. Атап айтқанда, 2020 жылдың наурыз айының ортасында YouTube Gaming көрермендерінің саны 15%-ға, Twitch 10%-ға өсті. Үйде мәжбүрлі қалу жағдайы және қашықтағы жұмыс пен оқу тәртібі барған сайын көбірек адамдардың тікелей трансляцияларды ақша табу тәсілі ретінде қарастыруына себеп болды. Сонымен қатар, кейбір блогерлер оқшауланған кезеңде хабар тарату негізгі табыс көзіне айналды.

Research and Marketers мәліметтері бойынша, 2016 жылы хабар тарату нарығы 30,29 миллиард долларға бағаланды, ал 2021 жылдың қорытындысы бойынша оның құны 70,05 миллиард долларға жетуі мүмкін. QIWI зерттеуі бойынша Ресей мен ТМД елдеріндегі стриминг кем дегенде 354 миллион долларды құрады, компания сарапшыларының бағалауы бойынша алдағы 3 жылда жыл сайын өсу әлеуеті 20%-ды құрды.

Алдияр Джекешов Қазақстанның қарқынды дамып келе жатқан ойын стриминг индустриясының болашағы зор деп есептейді.

«Біз Батыс елдері мен ТМД елдерінің тәжірибесінен үйреніп, оны өзімізше, бірегей етіп жасай аламыз. Сонымен қатар, техникалық тілмен айтқанда, бізде стриминг үшін қажет нәрсенің бәрі бар. Мұның бәрі көп ақпаратты шығаруға байланысты», - деп Алдияр Джекешов өз пікірін білдірді.

Спикер өз сөзінде Қазақстанда ойын стриминг индустриясы дамып келе жатқанын, көрермендердің назарын аударатын түрлі форматтар мен трендтер пайда болып жатқанын атап өтті. Трендке ілесу үшін бизнес пен жеке тұлғалар тікелей трансляцияны қарастырып, өнімдерін Алдияр сияқты стримерлердің көмегімен өткізу жолдарын зерттеуі керек. Оның тәжірибесіне сүйене отырып, тікелей эфирлер локдаун кезіндегі ең тиімді байланыс құралдарының бірі екенін көрсетті.

Спикердің айтуынша, ноутбуктің немесе дербес компьютердің әрбір дерлік пайдаланушысы стример бола алады. Алайда заманауи ойындар мен онлайн аудиториялар Youtube немесе Twitch-ке хабар тарататын құрылғылардан жоғары өнімділікті талап етеді. Сондықтан, уақыт өте келе немесе онлайн мансабының алғашқы кезеңдерінде стримингпен айналысқысы келетін блогерлер құны миллион теңгеден асатын ойын ноутбуктары мен ойын станцияларын сатып алу туралы ойлайды.

Бұл ретте пайдаланушылар трансляцияны смартфон, планшет, теледидар секілді кез келген құрылғыдан көре алады, бірақ көбінесе ноутбуктен тамашалайды.