Ресейдің атышулы депутаты Жириновский коронавирусқа шалдықты

Әсел Оршыбекова

Мемлекеттік Думада коронавирустың таралуына байланысты қазір депутаттардың көпшілігі өз аймақтарында

Ресейдің атышулы депутаты Жириновский коронавирусқа шалдықты
Фото ашық дереккөзден

ЛДПР жетекшісі Владимир Жириновский коронавирус диагнозымен Мәскеудегі Орталық клиникалық ауруханаға жатқызылды, оның өкпесі қатты зақымданған. Бұл туралы Azattyq Rýhy Интерфакс агенттігіне сілтеме жасап хабарлайды.

Дереккөзге сүйенсек, Жириновскийдің өкпесі 50-75%-ға зақымданған. Мұны аурухана дәрігерлері растап отыр.

«Владимир Вольфович құжаттармен жұмыс істеуге шамасы жетеді. Ол өзін қалыпты сезінуде», - деді Ресейдің Мемлекеттік Думадағы ЛДПР фракциясы басшысының бірінші орынбасары Василий Власов.

Соңғы уақытта Жириновский қоғамдық іс-шараларға қатыспай жүр. Оның партиялық мессенджерлерде эфирлері болған жоқ.

Ақпан айында Мемлекеттік Думада коронавирустың таралуына байланысты қазір депутаттардың көпшілігі өз аймақтарында.

×
Бұл желілік ресурстың ақпараттық өнімдері 18 жастан асқан адамдарға арналған.