Министрлік: Қазір Маңғыстау облысында газ бағасы литріне 100-120 теңге аралығында

Маңғыстау облысының ай сайынғы тұтынуы 18 мың тоннаны құрайды, деп хабарлайды Azattyq Rýhy.

Орталық коммуникациялар қызметі алаңында өткен жиында Энергетика министрі Мағзұм Мырзағалиевтің айтуынша, «ҚазГөз» ЖШС – 14,5 мың тонна, «Атырау МӨЗ» ЖШС – 3,5 мың тонна газ өндірген. Бұл ретте шамамен автокөліктердің 70-90%-ы газды отын ретінде пайдаланады.

«2021 жылғы 20-25 желтоқсанда өткізілген сауда қорытындысы бойынша АГТС үшін сатып алу бағасы ҚазГӨЗ – тоннасына 130 684 теңге немесе литріне 77 теңге, АМӨЗ – тоннасына 109 872 теңге немесе литріне 65 теңге. Логистикалық шығындарды ескере отырып, Маңғыстау облысының АГТС-тері үшін газдың өзіндік құны тоннасына 136 723 теңге немесе литріне 80 теңге шегінде қалыптасты. Маңғыстау облысындағы ағымдағы бөлшек бағасы литріне 100-ден 120 теңгені құрайды. Сәйкесінше, АГТС маржасы литріне 20-40 теңгені немесе 25-50%-ді құрады.

Бұл бізге АГТС арасында мүмкін болатын баға алыпсатарлықтары туралы болжам жасауға негіз береді», − деді министр.

Беліглі болғандай, қазіргі уақытта Маңғыстау облысының автогаз толтыру станцияларының иелері бизнестің әлеуметтік жауапкершілігі аясында бастамашылық тәртіппен газ құнын литріне 120-дан 85-90 теңгеге дейін төмендету туралы шешім қабылдады.  

Министрлік газ бағасының алыпсатарлық секірулеріне жол бермеу жөніндегі жүйелі шаралар іске асырылады деп сендірді.