Tik Tok биыл танымалдық жағынан Google-ды басып озды

Қытайдың TikTok әлеуметтік желісі әлемдегі ең үлкен интернет-іздеу жүйесі – Google-ды басып озды, деп санайды Cloudflare сарапшылары. Компанияның жылдық аналитикалық есебіне сәйкес, TikTok.com Google карталарының, аудармашының, фотосуреттердің, кітаптардың және жаңалықтар агрегаторының барлық қызметін басып озды. Бұл туралы Azattyq Rýhy BBC-ге сілтеме жасап хабарлайды.

TikTok 2021 жылы танымалдығы күрт артты. Ал 2020 жылдың соңында аталмыш әлеуметтік желі жетінші орында болатын. Cloudflare мәліметтері бойынша ең танымал домендердің қазіргі ондығы келесідей:

1. TikTok.com
2. Google.com
3. Facebook.com
4. Microsoft.com
5. Apple.com
6. Amazon.com
7. Netflix.com
8. YouTube.com
9. Twitter.com
10. WhatsApp.com

Бейжіңдегі ByteDance Ltd компаниясына тиесілі TikTok-тың танымалдылығының өсуін сарапшылар оның әр қолданушыға арналған бейне таңдау алгоритмінің сәттілігімен байланыстырады. Соңғы жылдары TikTok-тан басталған көптеген инфлюэнсерлер – Эддисон Рэй мен Чарли Д'Амелио әйгілі жұлдыздарға айналды.

Forbes басылымына сәйкес Эддисон Рэй 2020 жылы TikTok-та ең бай инфлюэнсер атанды. Оның табысы 5 млн долларға бағаланды.

Ал Чарли Д'Амелионың 115,5 миллиона оқырманы бар.