Сәбіз әлеуметтік маңызы бар азық-түліктердің тізімінен шығарылды

Сәбіз бағасы тағы да қымбаттауы мүмкін. Баға әсіресе, Нұр-Сұлтанда көтерілуі ықтимал, деп хабарлайды «Отырар» телеарнасы. Өйткені, мұнда сәбіз әлеуметтік маңызы бар азық-түліктердің тізімінен шығарылды.

Әкімдіктегілердің айтуынша сатушылар оған шекті баға белгілеуге жаппай қарсы шыққан. Тіпті талаптары орындалмаса, сәбізді сатпаймыз деген. Өйткені ол қымбаттауға бейім. Шекті баға белгілеу, өздерін шығынға батыруы мүмкін. Сол үшін көкөніс бағасы еркін айналымға жіберіліп отыр. Ал өзге 6 тауарға шекті баға белгіленді.

Елордада нан – 183, сиыр еті – 2325, жұмыртқа – 443, сарымай келесі – 3452, күнбағыс майы – 817 және қант бағасы 325 теңгеден аспауы керек.