Елордалық полицейлер пиротехниканы пайдалану кезіндегі қауіпсіздік ережелерін еске салды

Жаңа жылдық мерекелер қарсаңында балалар мен ересектердің көпшілігі пиротехниканы дұрыс пайдаланбаудан жарақат алады. Осыған байланысты елорда аумағында 2021 жылдың 15 желтоқсаны мен 2022 жылдың 12 қаңтары аралығында «Пиротехника-2021» жедел алдын алу іс-шарасы өткізіледі, деп хабарлайды қала әкімдігінің ресми сайты.

Жедел алдын алу іс-шараларының мақсаты халықпен пиротехникалық бұйымдарды сақтау, пайдалану, тасымалдау және жеткізу ережелері, сондай-ақ сертификатталмаған пиротехникалық өнімдерді айналымнан алу туралы профилактикалық жұмыс жүргізу болып саналады.

Елорда әкімдігі қала тұрғындарына пиротехниканы пайдаланудың негізгі ережелері туралы еске салады:

- пиротехниканы күмәнді сатушылардан сатып алмаңыз (көше сөрелерінен, өткелдерден);

- балалардың пиротехниканы өз бетінше пайдалануына рұқсат бермеңіз;

- қаптамадағы нұсқаулықты мұқият оқып шығыңыз;

- пиротехниканың жарылуы кезінде алыстау жерде болыңыз;

- пиротехниканы ешқашан жабық үй-жайда пайдаланбаңыз;

- нұсқаулықта көрсетілгендей қауіпті аймақтан тыс, яғни кемінде 20 м қашықтықта болу қажет;

- білтені қолсозым тұста тұтату керек;

- жұмыс істеп тұрған пиротехникалық бұйымды қолда ұстауға қатаң тыйым салынады.

Тіпті таныс және қарапайым пиротехникалық өнімнің өзіндік ерекшеліктері болуы мүмкін екенін есте сақтау керек.