«Мембағдарлама бойынша қайтарымсыз қаржы алып беремін»: алаяқ шымкенттік тұрғынды екі млн теңгеге алдап кетті

Azattyq Rýhy

Қазіргі кезде аталған әйелге қатысты міндеттеме түріндегі бұлтарпау шарасы қолданылған

Фото ашық дереккөзден

Шымкентте алаяқ тұрғынды 2 млн теңгеге алдап кетті, деп хабарлайды Polisia.kz.

Шымкент қаласында Еңбекші АПБ-ға жергілікті тұрғын арызданған. Ол өз арызында бейтаныс әйел арнайы мемлекеттік бағдарлама бойынша қайтарымсыз қаржы алып беремін деп 2,1 млн теңгесін иемденіп кеткенін көрсеткен. Аталған жайтты тәртіп сақшылары ҚР ҚК-нің 190-бабының 2-бөлігімен (Алаяқтық) тіркеді.

Криминалдық полиция бөлімі қызметкерлерімен жүргізілген жедел-іздестіру іс-шараларының нәтижесінде жергілікті тұрғын анықталып, тиісті басқармаға жеткізілді.

Тергеу амалдары барысында азаматшаның басқа да қылмыстарға қатысы бар екені анықталды.

Қазіргі кезде аталған әйелге қатысты міндеттеме түріндегі бұлтарпау шарасы қолданылған.

×
Бұл желілік ресурстың ақпараттық өнімдері 18 жастан асқан адамдарға арналған.