COVID-19 бен пневмония: Қазақстанда 353 адам ауыр халде жатыр

Қазақстанда бір тәулік ішінде коронавирус пен онымен байланысты пневмониядан 14 адам қайтыс болды. Бұл туралы Azattyq Rýhy Денсаулық сақтау министрлігіне сілтеме жасап хабарлайды.

6 желтоқсандағы мәліметтерге сәйкес, COVID-19 инфекциясынан 11 адам, ал коронавирус белгілері бар пневмониядан 3 адам қайтыс болды.

8 желтоқсандағы жағдай бойынша 22 819 адам (19 744+ және 3 075 КВИ-) КВИ-дан емделіп жатыр, оның ішінде стационарларда 4 604 пациент, амбулаториялық деңгейде 18 215 пациент бар.

Науқастар арасында:

• Ауыр халде – 353 пациент;
• Аса ауыр халде – 90 пациент;
• ӨЖЖ аппаратында – 60 пациент.