Елімізде педагогтерді дайындайтын ЖОО саны қысқарды

Білім және ғылым министрлігі сапасыз білім беретін университеттерде тексеріс жүргізіп, нәтижесінде 15 университет жабылды, деп хабарлайды Azattyq Rýhy тілшісі.

Бүгін Үкімет отырысында Білім және ғылым министрі Асхат Аймағамбетов тағы 4 университетті жабу бойынша соттың шешімі қабылданғанын хабарлады.

«Мұғалімдерді бұның алдында 86 университет дайындаса және сапасы бойынша көп сұрақтар туындаса, енді педагогтерді тек 50 оқу орыны ғана дайындайды. Әрі қарай осы жұмысты жалғастырамыз», ˗ дейді министр.

Еркежан Айтқазы, Нұр-Сұлтан қаласы