АҚШ-та мектеп жанында атыс болды

Орора қаласында (Колорадо штаты, АҚШ) белгісіз адам мектептердің бірінің жанында оқ жаудырды. Оқыс оқиға салдарынан кем дегенде бес жасөспірім зардап шеккен. Төтенше жағдай оқу орнының жанындағы саябақта болды.

"Бірнеше адам оқ жарақатын алды, олардың нақты жасы мен жағдайы белгісіз", - делінген жергілікті полицияның ресми хабарламасында.

Құқық қорғау органдарының мәліметінше, оқиғадан кейін 14 пен 17 жас аралығындағы бес жасөспірім ауруханаларға жеткізілді.

Күдікті оқиға орнынан қашып кеткен. Оқ атылған мектеп қазір полиция күзетінде.