Нұр-Сұлтанда 56 науқас жансақтау бөлімінде жатыр

 Нұр-Сұлтан қаласы әкімінің орынбасары Асхат Оралов қазіргі эпидемиологиялық жағдай туралы мәлім етті. Ол елорда эпидемиологиялық ахуалды бағалау матрицасы бойынша әлі де «қызыл» аймақта екенін айтып өтті, деп хабарлайды Azattyq Rýhy.

«Тамыз айының соңында және қыркүйек айының басында қала бойынша эпидемиологиялық жағдай жақсарды. Бүгінгі таңда елордада 990 төсек-орынға арналған 7 инфекциялық стационар ашылды. Естеріңізге сала кетейік, жазда ковидтік стационарларға 4 мыңға жуық төсек орны бар 16 стационар тартылған болатын», - деді А.Оралов.

Елордада 12 қазан күні таңертең 578 адам жұқпалы аурулар ауруханасында коронавируспен емделуде, пандемия кезінде бұл көрсеткіш 70%-дан асқан кезде жүктеме 58,4%-ды құрайды.

Әкім орынбасары сондай-ақ жұқпалы аурулар стационары ретінде тартылған қалалық ауруханалардың негізгі қызметі қалай және қашан қалпына келтірілетінін айтты.

«Осы аптада біз №1 Көпбейінді қалалық аурухана базасында ковидтік стационарды жабамыз, онда тәулік бойы және күндізгі стационарларға жоспарлы емдеуге жатқызу қалпына келтіріледі. Бұл қалалық аурухана биыл шілде айының басында 600 төсектік жұқпалы аурулар стационарына қайта бейімделген болатын», - деп хабарлады спикер.

Асхат Оралов COVID-19-бен күрестегі басты құралдардың бірі халықты вакцинациялау екенін атап өтті.

Бүгінде елордалық стационарлардың жансақтау бөлімінде 56 пациент, ал ӨЖЖ-де 14 пациент жатыр. Барлығы 127 реанимациялық төсек орын бар.