Елімізде пәтер жалдау құны жыл басынан бері 14 пайызға қымбаттады

Қазақстанда тұрғын үйді жалға алу құны қымбаттап барады, деп хабарлайды LS.

Ұлттық статистика бюросының мәліметінше, 2021 жылдың қыркүйек айында жалдау ақысы 2,5%-ға артып, бір шаршы метр үшін 1,9 мың теңгеге жетті, жыл басынан бері бұл көрсеткіш 14,1%-ға өсті.

Бастапқы тұрғын үйлер күздің алғашқы айында 0,7%-ға көтеріліп, шаршы метрі 346,1 мың теңгеге дейін қымбаттады.

Сонымен қатар, абаттандырылған тұрғын үй құны жыл басынан бері 18,2%-ға, яғни 275,9 мың теңгеге дейін өсті. Бір ай ішінде баға 1%-ға жоғарылады.

Қазақстанда жылжымайтын мүлікті сатып алу-сату келісімдерінің саны жыл басынан бері екі есеге жуық өсті.