Сонымен қатар құтқару жұмыстарына 70-тен астам техника қатысқан
Ұшақ апаты болған маңайдағы құтқару операциясына түрлі құрылымдардан мыңға жуық адам мен 70-тен астам техника қатысты. Сонымен қатар оқиға орнында 33 жедел медициналық көмек бригадасы жұмыс істеді, деп хабарлайды Azattyq Rýhy тілшісі Төтенше жағдайлар комитетінің баспасөз қызметіне сілтеме жасап.
Баспасөз қызметінің хабарлауынша, азаматтық қорғау қызметтерінің іс-әрекеттерін үйлестіруге арналған республикалық жедел штаб құрылған. Сондай-ақ комитеттің ахуалдық орталығында, Алматы және Қостанай облыстарында зардап шеккендерге шұғыл психологиялық көмек көрсету үшін «жедел желі» жұмыс істеді.