ШұғылҚазақстанда өткен тәулікте 769 адамнан коронавирус анықталды

28 желтоқсан жалпыұлттық аза тұту күні деп жарияланды

Бұл туралы ақпаратты ҚР Президентінің баспасөз хатшысы Берік Уәли жариялады

Фото: el.kz

«Президент Қасым-Жомарт Тоқаев Алматы маңында ұшақ апатынан адамдардың қаза болуына байланысты 2019 жылдың 28 желтоқсанын жалпыұлттық аза тұту күні деп жариялады», - деп жазды Берік Уәли. 

Жалпыұлттық аза тұту күні — қайтыс болған азаматтардың қазасы үшін қайғыру рәсімі. Ұлттық аза тұту күнінде Қазақстан Республикасының мемлекеттік туы төмен түсіріледі.

Жалпыұлттық аза тұту күнінде республика бойынша барлық ойын-сауық іс-шаралар кейінге шегеріледі.

Бұл күні марқұм болған азаматтардың игі істері, қайырымдылығы еске алынып, бір минуттік үнсіздік жарияланады. 

Бүкіл ел болып қаза тапқан азаматтардың отбасыларына көңіл айтып, аза тұту арқылы олардың қайғысын бірге бөлісу қажет.

Мемлекет бойынша барлық БАҚ-тың бағдарламасына өзгерістер енгізіліп, жарнама көрсету тоқтатылады.

Еске салайық, 27 желтоқсан күні таңғы сағат 07:22-де Алматы-Нұр-Сұлтан бағыты бойынша ұшқан «Бэк эйр» әуекомпаниясының №Z2100 рейстегі  Fokker-100 ұшағы бетон ғимаратқа соғылып, апатқа ұшырады. Ішкі істер министрлігі қаза тапқан 12 адамның аты-жөнін жариялады.