ШҚО-да гашиштің ірі партиясы тәркіленді

Ол ешқандай делдалсыз, жалғыз жұмыс істеген

Шығыс Қазақстан облысында полиция қызметкерлері гашиштің ірі партиясын тәркіледі, деп хабарлайды ШҚО Полиция департаменті баспасөз қызметі
 

Есірткі қылмысына қарсы іс-қимыл басқармасының қызметкерлері жедел-іздестіру шаралары барысында Глубокое ауданының 26 жастағы тұрғынын ұстады.

«Күдіктінің «Nissan» маркалы автокөлігінен жасыл түсті ұнтақ тәрізді зат салынған 24 полимер түйіншек табылды. Сондай-ақ оның үйі мен моншасын тінту кезінде изолентамен оралған осындай 59 түйіншек тәркіленді. Сараптама қорытындысына сәйкес, бұл «Гашиш» есірткісі. 100 дозаның жалпы салмағы 408,2 грамм. Оның «қара нарықтағы» бағасы – 664 мың теңге», - деді басқарма бастығы Нариман Күлдіков.

Аталған факті бойынша Қылмыстық кодекстің 297-бабы 3-бөлігі 3-тармағына сәйкес сотқа дейінгі тергеу амалдары басталды.

×
Бұл желілік ресурстың ақпараттық өнімдері 18 жастан асқан адамдарға арналған.