Бұл жүйе ТМД елдерінің аумағындағы жалғыз жүйе саналады
Елордада алғаш рет №2 қалалық көпбейінді аурухана базасында белгілі мәскеулік дәрігер Олег Сапельников аритмология бойынша мастер-класс өткізді, деп хабарлайды Нұр-Сұлтан әкімдігінің ресми сайты.
Шеберлік сабағы аясында елордалық дәрігерлер Мәскеудегі әріптестерімен бірге жүйе ырғағының күрделі бұзылуы бойынша фибрилляция предсердия және трепетания предсердия атты үш ерекше операция жасады.
Операциялар Boston Scientific (АҚШ) компаниясы шығарған «RYTHMYA HDX» навигациялық жүйенің көмегімен жүзеге асырылды. Бұл жүйе ТМД елдерінің аумағындағы жалғыз жүйе саналады. Медициналық аппарат жүрек ырғағының күрделі бұзылыстарын жоғары тиімділікпен жоюға мүмкіндік береді және рентгенді пайдалануды азайтады.
«Осындай күрделі операцияларды өз ауруханамызда жасағанымызға қуанамын. Бұл - асқан ептілікті қажет ететін өте күрделі операциялар. Аритмологтар командасының арқасында осындай үлкен қадамдар жасалуда», - деп атап өтті №2 МГБ медициналық бөлім бойынша директордың орынбасары Б.Ешмұратов.
«Біз 43, 53 және 59 жастағы үш науқасқа операция жасадық. Операциялар 2-3 сағатқа дейін созылды. Олар аз инвазивті әрі пациенттер үшін оңалту кезеңі іс жүзінде қажет емес. Қазіргі уақытта пациенттердің жағдайы тұрақты, оларды жақын күндері шығару жоспарланып отыр», - деп түсіндірді интервенциялық кардиология және аритмология бөлімінің аға ординаторы Т. Есенов.
Өз кезегінде пациент Н.Иванникова дәрігерлерге үлкен еңбегі мен кәсібилігі үшін алғыс білдірді.
«Тәжірибелі дәрігерлердің оқуды тоқтатпайтынына және оқудан ұялмайтынына ризамын. Мұндай мастер-класстар өте маңызды. Оқу ешқашан кеш емес. Әсіресе Чазов атындағы орталықтың өкілдерінен. Мұндай бақыт маған бұйырып, операция жасалды. Ертең үйіме қайтамын, бәріне алғысымды білдіргім келеді», - деді науқас.